४ मंसिर २०८३, शुक्रबार

मन्त्रिपरिषदको बैठक बस्दै, स्थानीय निर्वाचनको मिति टुङ्गो लाग्न सक्ने

0
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, ९ फागुन । विभिन्न मन्त्रालयका नियमित एजेन्डामा छलफल गर्न मन्त्रिपरिषदको बैठक बस्दैछ ।

सिंहदरबारस्थित मन्त्रिपरिषदको कार्यालयमा बिहान १० बजे बस्ने बैठकमा निर्वाचनको मितिका विषयमा छलफल हुन सक्ने बुझिएको छ ।

स्रोतका अनुसार प्रधानमन्त्री पुष्पकमल दाहालले वैशाख महिना वा जेठ पहिलो साताभित्र निर्वाचन गर्न मन्त्रिपरिषदमा स्थानीय तहको मिति प्रस्ताव गर्ने छन् ।

एक मन्त्रीले भने, ‘प्रधानमन्त्री ज्यूले स्थानीय तहको निर्वाचनको मितिका साथै स्थानीय तह पुनःसंरचनाको प्रतिवेदन परिमार्जनका विषयमा प्रस्ताव ल्याउन सक्नु हुन्छ । तर, हामीलाई कुनै एजेन्डा भनिएको छैन ।’

कांग्रेसले निर्वाचनको मिति घोषणा गर्न दबाब दिइरहेका बेला मन्त्रिपरिषदको बैठक बस्न लागेको हो ।