४ मंसिर २०८३, शुक्रबार

स्ववियु निर्वाचनको मुखमा अनेरास्ववियुका नेता राईको सवारी दुर्घटनामा परी निधन

0
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २७ माघ । नेकपा एमालेको भातृ संगठन अखिल नेपाल राष्ट्रिय स्वतन्त्र विद्यार्थी युनियन (अनेरावस्ववियु) का केन्द्रीय सदस्य मिलन राईको मोटरसाइकलन दुर्घटनामा परि निधन भएको छ ।

काठमाडौंबाट गृह जिल्ला खोटाङ जानेक्रममा हिजो भक्तपुरमा मोटरसाइकल दुर्घटनामा परेर गम्भीर घाइते भएका राईको आज उपचारका क्रममा राष्ट्रिय ट्रमा सेन्टरमा निधन भएको हो ।

दुर्घटनापछि उपचारका लागि ठिमी हस्पिटल, अन्नपूर्ण न्युरो हस्पिटल हुँदै राईलाई ट्रमा सेन्टरमा लगिएको थियो । आइसियुमा राखेर उपचार भइरहेका बेला राईको आज दिउँसो २ बजे निधन भएको अनेरास्ववियुका उपाध्यक्ष रश्मी आचार्यले जानकारी दिए ।

राईको टाउको, मुटु र पेटमा चोट लागेको थियो । राईको शव अन्त्यष्टिका लागि खोटाङ लगिने अनेरास्ववियुले जनाएको छ ।

अनेरास्ववियु केन्द्रीय कमिटीले विज्ञप्ति मार्फत राईको निधनप्रति हार्दिक श्रदाञ्जली अर्पण गर्नुका साथैशोक सन्तब्द परिवारजनमा समबेदना प्रकट गरेको छ ।