४ मंसिर २०८३, शुक्रबार

पाल्पामा जिप दुर्घटना, चारजनाको मृत्यु

0
Shares

फन्ट परिवर्तन गर्नुहोस:

  • change font
  • change font
  • change font

बुटवल, २५ माघ । पाल्पा जिल्लाको दोभान गाविस ३ मा जिप दुर्घटना हुँदा ४ जनाको मुत्यु भएको छ । दुर्घटनामा १६ जना घाईते भएका छन् ।

दोभानबाट ज्यामुरे विवाह कार्यक्रम सकेर घर फर्कने क्रममा सोमबार राति साढे आठ बजे लु १ ज २६८९ नम्बरको जिप दोभान– ३ श्रीडाँडामा दुर्घटना भएको घाइतेहरूले बताएका छन् ।

दुर्घटनामा ४० वर्षीय जसवीर बकावल मगर, ३० वर्षीय मीनबहादुर थापा मगर, ४९ वर्षीय हरिबहादुर राना र २६ वर्षीय यमबहादुर रानाको मुत्यु भएको छ । मृतक सबै दोभान– २ देउरालीका हुन् ।

१६ जना घाईतेको लुम्बिनी अञ्चल अस्पताल बुटवलमा उपचार भइरहेको छ । घाइतेमध्ये ४ जनाको अवस्था गम्भीर रहेको प्रहरीले जनाएको छ ।

जिप सडकदेखि ३०० मिटर तल खसेको छ । सडक ओरालो भएको तथा गाडीको ब्रेक फेल भएर दुर्घटना भएको हुन सक्ने प्रहरीले प्रराम्भीक अनुमान गरेको छ ।