४ मंसिर २०८३, शुक्रबार

प्रधानमन्त्रीद्वारा बालुवाटारमा मधेसी मोर्चासँग छलफल गर्दै

0
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, ७ माघ । आन्दोलन घोषणा गरेको संयुक्त लोकतान्त्रिक मधेसी मोर्चासँग प्रधानमन्त्री पुष्पकमल दाहालले वार्ता गर्दैछन् ।

प्रधानमन्त्री निवास बालुवाटारमा भरखरै सुरु भएको वार्तामा मुलुकको पछिल्लो राजनीतिक अवस्था, स्थानीय निर्वाचन, संविधान संशोधनका विषयमा छलफल हुने बुझिएको छ ।

बैठकमा मधेसी मोर्चाका साथै प्रधानमन्त्री दाहालले कांग्रेस र आफ्नो दल माओवादी केन्द्रका नेताहरूलाई पनि बोलाएका छन् ।

राष्ट्रिय मधेस समाजवादी पार्टीका महासचिव केशव झाले वार्ताका लागि मधेसी मोर्चालाई बिहान नौँ बजे बालुवाटार बोलाएको जानकारी दिए । उनले भने, ‘बैठकका एजेन्डाका विषयमा केही बताइएको छैन ।’

स्रोतका अनुसार आजको बैठकमा सत्तापक्षमा स्थानीय निर्वाचनको मिति अगाडि ल्याइए मधेसी मोर्चाले ठाडै अस्वीकार गर्नेछ ।