काठमाडौं, १९ भदौ । देशलाई लोडसेडिङमुक्त बनाउने लक्ष्यसहित पूर्व प्रधानमन्त्री केपी शर्मा ओलीले अघि सारेको हावाबाट बिजुली निकाल्ने योजना खारेज भएको छ ।
लगानी बोर्डको कार्यालयले आइतबार पत्रकार सम्मेलन गरेर पूर्व प्रधानमन्त्री ओलीको हावाबाट बिजुली निकाल्ने प्रस्तावलाई खारेज गरेको हो । ओली नेतृत्वको तत्कालिन सरकारले बोर्डलाई हावाबाट बिजुली निकाल्न प्रस्ताव गर्ने बेलायती कम्पनीसँग समन्वय गर्ने जिम्मा दिएको थियो ।
तर, बीचमै ओलीको सरकार ढल्यो । माओवादी केन्द्रका अध्यक्ष प्रचण्डको नेतृत्वमा नयाँ सरकार बन्यो । प्रचण्ड सरकारका उर्जामन्त्री जनार्दन शर्माले एक वर्षभित्र देशलाई लोडसेडिङ मुक्त गर्ने कुरालाई हावादारी भनिरहेका छन् । यहीबेला ओलीले नेपालीलाई अध्यरोबाट उज्यालोमा पुगाउने उद्देश्यसहित ल्याएको योजना तुहिएको हो ।
बोर्डका प्रमुख कार्यकारी अधिकृत महाप्रसाद अधिकारीले हावाबाट बिजुली निकाल्न प्रस्ताव गर्ने कम्पनीका प्रस्ताव बोर्डले धेरै पहिला नै रद्द गरेको बताउँदै तत्काल त्यो योजना अघि नबढ्ने बताए ।
बेलायती कम्पनीले एक वर्षभित्र तीन सय मेगावाट र तीन वर्षमा तीन हजार मेगावाट विद्युत निकाल्ने प्रस्ताव गरेको थियो ।
ओली योजना खारेज भएपनि हाल नेपालमा मकवानपुर, मुस्ताङ, सिन्धुलीलगायतका ठाउँमा सानो परिमाणमा हावाबाट बिजुली उत्पादन भइरहेको छ ।
प्रतिक्रिया