– विजय थापा
वाशिंगटन डिसी । हेल्प फर डेस्पेरेट एण्ड निड़ी पिपुल अन्तर्राष्ट्रियले अमेरिकाको टेक्सासमा त्रैमासिक रुपमा पूर्व घोषित रक्तदान कार्यक्रम सम्पन्न गरेको छ ।
हेल्प फर डेस्पेरेट एण्ड निड़ी पिपुल अन्तर्राष्ट्रिय (एचडीएनपी इन्टरनेसनल) अमेरिकी सरकारको गैर मुनाफा सामाजिक संस्थामा दर्ता भएको संस्था हो ।
अमेरिकाको टेक्सासको आर्लिंगटनमा सन् २०१२ नेपालीद्वारा स्थापना गरिएको संस्थाबाट २४ जनाले रगतदान गरेका छन् ।
उक्त रक्तदान कार्यक्रममा अधिकांश अमेरिकन, नेपाली, लाओस तथा भियतनामका रक्तदाताहरु रहेका थिए ।
अर्को हप्ता अगस्त २७ तारिख करिब ५ सय जना घरवार बिहीनलाई खान खुवाउने निधो गरेको संस्थाका संस्थापक देवी आचार्यले जानकरी दिएका छन् ।
एचडिएनपी अन्तरर्राष्ट्रियले असहाय, दुःखी, घरबार बिहीनहरुको लागि स्वास्थ्य, शिक्षा र जीविकोपार्जन गर्नेदेखि लिएर उनीहरुलाई सशक्तिकरण गर्ने काममा पनि मदत गर्ने गरेकोछ ।
प्रतिक्रिया