माओवादी बैठक सकियो, प्रचण्डलाई सहमतिको नयाँ सरकार बनाउने जिम्मा

काठमाडौं, २७ असार । नेकपा (माओवादी केन्द्र)को जारी केन्द्रीय कार्यालयको बैठक एउटा मात्र निर्णय गर्दै सकिएको छ ।

लाजिम्पाटमा बसेको बैठकले राष्ट्रिय सहमतिको सरकार बनाउन पहल गर्ने जिम्मा अध्यक्ष पुष्पकमल दाहाल प्रचण्डलाई दिएको छ ।

प्रचण्डको निजी सचिवालयका अनुसार बैठकले राष्ट्रिय सहमति कायम गरी सहमतिको सरकार निर्माण गर्न सबैतिर पहल र निर्णय गर्ने जिम्मा अध्यक्ष प्रचण्डलाई दिने निर्णय गरेको हो ।