काठमाडौं, २२ वैशाख । एमाओवादीले एमाले नेतृत्वको सरकार ढालेर प्रचण्डको नेतृत्वमा सरकार बनाउने निर्णय गरेलगत्तै नेपाली कांग्रेसका सभापति शेरबहादुर देउवाले सक्रियता बढाएका छन् ।
प्रचण्डको नेतृत्व स्वीकारेका देउवाले अबको नयाँ सरकारलाई सबै दलको सहभागितामा बोलियो सरकार बनाउन गृहकार्य सुरु गरेका हुन् । यसैक्रममा उनले मधेसवादी दलका एक–एक नेतालाई ससद भवन नयाँ वानेश्वरमा बोलाएका छन् ।
कांग्रेसको संसदीय दलका नेता समेत रहेका देउवाले व्यवस्थापिका–संसदमा रहेका मधेशवादी दलका शीर्ष नेताहरुसँगको बैठक आज दिउँसो २ बजे बोलाएको कांग्रेस केन्द्रीय कार्यालय सचिव प्रेम केसीले जानकारी दिए ।
बैठकमा नयाँ सरकार गठनको बारे छलफल हुने र मधेसवादी दलको अधिकतम सहभागिता रहने बताइएको छ । कांग्रेसकै समर्थनमा प्रचण्ड अबको केही दिनमा देशको नयाँ प्रधानमन्त्री बन्दैछन् ।
प्रतिक्रिया