खोलामा करेन्ट लगाइ माच्छा मार्नेहरू वीस हजारमा रिहा

– कृष्ण ओझा

पाँचथर, १५ वैशाख । पाँचथर जिल्लाको हेवाखोलामा करेन्ट लगाई माच्छा मार्ने जालहारीलाई प्रहरीले पक्राउ गरी जरिमाना लिएर छाडेको छ ।

जिल्ला प्रहरी कार्यालयले सोमबार दीपन्द्र विश्वकर्मा, रमेश विश्वकर्मा, अर्जुन तिमल्सिना र जसबहादुर तामाङलाई पक्राउ गरेको थियो । उनीहरूसँग जनही २० हजार जरिमाना लिएर रिहा गरिएको हो ।

खोलामा करेन्ट लगाई माच्छामार्नेलाई जलचर संरक्षण ऐन २०१७ अनुसार जनही २० हजारका दरले जरिवाना लिइ छाडिएको पाँचथरका प्रमुख जिल्ला अधिकारी पुरुषोत्तम घिमिरेले बताए ।

जालहारीले भारपा– ८ स्थित हेवाखोलामा करेन्ट लगाई माछा मार्ने गरेका थिए । सर्वसाधारणलाई खतरा हुने भएकाले जनगुनासाको आधारमा प्रहरीले पक्रउ गरिएको डीएसपी कृष्णप्रसाद कोइरालाले बताए ।