चीनमा नर्सलाई मृत्युदण्ड, विवाहको विवादमा साथीको हत्या

साङघाई (चीन), १ वैशाख । पूर्वी चीनको साङघाईस्थित एक अस्पतालमा उपचाररत् एक बिरामीलाई अत्यधिक मात्राको औषधि र इन्सुलिन दिई हत्या गरेको अभियोगमा अस्पतालमा कार्यरत् नर्सलाई बुधबार मृत्युदण्डको सजाय दिइएको छ ।

ताओ थर गरेकी उक्त नर्सले आफ्नो केटा साथीले उनीसँग ढिलो गरी विवाह गर्न अनुरोध गरेपछि आक्रोशमा आएकी ती नर्सले आफ्नो लुओ थर गरेका साथीलाई पानीमा अत्यधिक निन्द्रा लाग्ने पाउडर मिसाई उनको निवासमै पिउन दिएको र पछि निदाएको अवस्थामा उनलाई अत्यधिक मात्राको इन्सुलिन र औषधि दिई हत्या गरेको छानबिनका क्रममा नर्सले बताएको साङघाई नं. १ इन्टरमेडिएट जन अदालतले जनाएको छ ।

उनले आफ्नो साथीलाई हत्या गर्न प्रयोग गरेको औषधि आफू कार्यरत अस्पतालबाट लिएको अदालतले बताएको छ । रासस/सिन्ह्वा