संखुवासभा, २३ चैत । संखुवासभामा भरुवा बन्दुकसहित तीन जना पक्राउ परेका छन् ।
खाँदबारी नगरपालिका–१२ साठिमुरे बस्ने ४४ वर्षीया लक्ष्मी श्रेष्ठ, ३२ वर्षीय बिनोद श्रेष्ठ र ५२ वर्षीय भक्तबहादुर श्रेष्ठलाई १/१ नाल घरेलु भरुवा बन्दुकसहित सोमबार प्रहरीले पक्राउ गरेको केन्द्रीय प्रहरी समाचार कक्षले जनाएको छ ।
विशेष सूचनाको आधारमा उनीहरुको घर खानतलासी गर्दा सबैको घरबाट उक्त भरुवा बन्दुक बरामद भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया