चीनसँगको सम्झौता लगत्तै भारतले फेरि दियो धोका ! गच्छदारलाई तनाव

काठमाडौं, १६ चैत । हुलाकी सडक बनाइदिने आश देखाएर एक वर्ष अघि पन्छिएको भारतले अहिले कबोल गरेको अनुदान रकमसमेत दिन आनाकानी गरेको छ।

डेढ दशकसम्म झुलाएर नेपालतिर पन्छाएको काम नै रोक्ने मनसाय राखी भारतले रकम दिन आनाकानी गरेको हो। निर्माण गरिदिने सम्झौता हुँदा आठ अर्ब रुपैयाँ (भारु ५ अर्ब) लागत अनुमान गरिएको लागत अहिले बढेर करिब १३ अर्ब रुपैयाँ पुगेको छ।

उपप्रधान तथा भौतिक योजना मन्त्री विजय कुमार गच्छदारले समेत भारतबाट अनुदान रकम नआउँदा ठेक्कामा जान समस्या भएको बताए।

भारतले हात झिकेपछि सडक विभागले पहिलो चरणमा सक्ने लक्ष्य राखिएका १९ मध्ये १२ सडकको ठेक्का प्रक्रिया सुरु गरेको थियो । नागरिक दैनिकमा खबर छ ।