उडिरहेको विमान बस्तीमा खस्यो, कम्तिमा ७ जनाको मृत्यु

एजेन्सी, १ चैत । उत्तरपूर्वी बोलिभियाको बेनीस्थित एक ग्रामीण बजारमा विमान खस्दा कम्तिमा ७ जनाको मृत्यु भएको छ ।

विमान खस्दा विमानमा रहेका पाइलटसहित चार जना र बजारमा रहेका तीन जनाको मृत्यु भएको हो । दुर्घटनामा अन्य १५ जना घाइते भएको प्रहरीले जनाएको छ ।

घाइतेहरु सोही क्षेत्रका बासिन्दा रहेको बताइएको छ । बोलिभियाका सञ्चारमाध्यमहरुले विमान खसेर आगो लागेको तस्वीर सार्वजनिक गरेका छन् ।