काठमाडौं, ३० फागुन । विवादित विराट पेट्रोलियम कम्पनि अन्ततः पेट्रोलको मुल्य घटाउन बाध्य भएको छ ।
अब उसले ९९ रूपैयाँ प्रतिलिटरमा पेट्रोल बिक्री गर्न थालेको छ । शनिबारसम्म सोही तेल १ सय ३० रूपैया प्रतिलिटरमा बिक्री गर्दै आएको थियो ।
१ सय ३० मा बिक्री सुरू गर्दा चौतर्फी आलोचना तथा विरोध भएपछि विराट पछि हटेको हो ।
नेपाल आयल निगमले ९९ रूपैयाँ प्रति लिटरमा बिक्री गरिरहेको पेट्रोल विराटले युरो-४ मापदण्ड र अन्य विभिन्न कारण देखाउँदै१ सय ३० मा बिक्री गर्दै आएको थियो ।
आइतबार बिहानदेखि नयाँ मूल्य ९९ प्रतिलिटर बिक्री गर्न मिल्नेगरी विराटले पेट्रोल उपलब्ध गराएको त्रिपुरेश्वरस्थित जयन्ती आयल स्टोरका व्यवस्थापक राजकुमार महर्जनले बताए । जयन्ती आयल स्टोरलाई नेपाल आयल निगमले विराटकै मूल्यमा बिक्री गर्न अनुमति दिएको थियो ।
प्रतिक्रिया