काठमाडौँ ४ फागुन । नेपाली काँग्रेस काठमाडौँको बुधबार हुने जिल्ला अधिवेशनमा वर्तमान सभापति भीमसेनदास प्रधान र सबुज बानियाँको उम्मेदवारी परेको छ ।
निर्वाचन समितिले आज गरेको अन्तिम नामावलीमा प्रकाशनमा सभापतिमा प्रधान र बानियाँको उम्मेदवार परेको निर्वाचन अधिकृत श्यामराज ढुङ्गेलले जानकारी दिनुभयो ।
सचिवमा अर्जुन पराजुली, राजकुमार नकर्मी र प्रणय सिंहको उम्मेदवारी परेको छ । यस्तै कोषाध्यक्षमा नर्मदा पोखरेल र गोविन्द पुडासैनीले उम्मेदवारी दिनुभएको छ ।
सचिवमध्ये पराजुली प्रधान समूह, नकर्मीले बानियाँ समूहबाट उम्मेदवारी घोषणा गर्नुभएको छ भने सिंह कुनै पनि समूहमा हुनुहुन्न । यस्तै कोषाध्यक्षमा पोखरेल प्रधान समूह र पुडासैनी बानिया समूहबाट उम्मेदवारी दिनुभएको हो ।
निर्वाचन तालिकाअनुसार मतदान भोलि बिहान ९ देखि १२ बजेसम्म हुने काठमाडौँ काँग्रेसले जनाएको छ ।
नेपाल प्रज्ञा प्रतिष्ठानमा हुने भनिएको जिल्ला अधिवेशन विविध कारणले गर्दा भृकुटीमण्डपमा हुने भएको छ । भोलि हुने निर्वाचनमा एक हजार २७३ क्षेत्रीय प्रतिनिधिले मतदान गर्नेछन् । रासस
प्रतिक्रिया