सुदूरपश्चिमका सशस्त्र र जनपथका डिआईजीलाई हेडक्वाटर बोलाइयो

काठमाडौं, ८ साउन । सरकारले सुदूरपश्चिमका सशस्त्र प्रहरी र नेपाल प्रहरीका डीआईजीलाई प्रहरी प्रधान कार्यालयमा तानेको छ ।

कैलालीको टीकापुरमा भएको हिंसात्मक आन्दोलनमा सुरक्षा दिन नसकेको भन्दै गृह मन्त्रालयले सुदूरपश्चिम सशस्त्रका डीआईजी खडानन्द चौधरी र नेपाल प्रहरीका डीआईजी रामकुमार खनाललाई हेडक्वाटर तानेको हो ।

कैलाली घटनामा एसएसपीसहितका सात सुरक्षाकर्मी मारिएपछि गृह मन्त्रालयले यस्तो निर्णय लिएको हो । गृहले नेपाल प्रहरीका डीआईजी खनालको स्थानमा माधव नेपाललाई पठाइएको छ । यसैगरी सशस्त्र प्रहरीका डीआईजी चौधरीको स्थानमा सुरज श्रेष्ठलाई पठाएको स्रोतले जनाएको छ ।

यस्तै आन्दोलनकारीको आक्रमणमा मारिएका नेपाल प्रहरीका एसएसपी लक्ष्मण न्यौपानेको ठाउँमा एसएसपी दिनेश अमात्यलाई पठाइएको छ ।