५४ यात्रु बोकेको इन्डो जहाज आकाशमै हरायो

जकार्ता, ३१ साउन । ५४ जना यात्रु बोकेको एक इन्डोनेसियाली विमान आकाशमै हराएको छ ।

आन्तरिक उडानमा रहेको सो जहाज ग्रामीण पपुआ क्षेत्रमा हराएको राष्ट्रिय खोज तथा उद्धार एजेन्सीलाई उदृत गर्दै समाचार एजेन्सी रोयटर्यसले जनाएको छ ।

उद्धार एजेन्सीका प्रमुख बम्बाङ स्वेलस्टोले जहाजसँग सम्पर्क विच्छेद भएको कुरा रोयटर्ससँग बताएका छन् ।
उद्धार एजेन्सीको आधिकारिक ट्विटर ह्यान्डलका अनुसार त्रिगाना एयर सर्भिसको सो जहाजमा ४४ बयस्क, पाँच चालक दल र पाँच बालबालिका थिए ।

उद्धार एजेन्सीका प्रमुख बम्बाङ स्वेलस्टोका अनुसार सो जहाजको अहिले खोजी कार्य तिव्र बनाइएको छ ।