अखण्ड रुकुम माग्दै पाँचौ दिनपनि आन्दोलन जारी

– महेश केसी
रुकुम, २८ साउन । अखण्ड रुकुमको माग राख्दै स्थानीयले पाँचौं दिनपनि आन्दोलन गरिरहेका छन् ।

रुकुम जिल्लालाई प्रस्तावित पाँचौ प्रदेशमा कायम गरी जिल्लालाई अखण्ड राख्न माग गर्दै गत साउन २४ गते देखि जारी आन्दोलनको पाँचौ दिन आज विहिबार बिहानै देसख जिल्ला पुर्ण रुपमा ठप्प छ ।

हिजोसम्म बजार, उद्योग, कलकारखाना र यातायात मात्र बन्द रहेको भएपनि आजबाट कार्यालय समयमै आन्दोलनकारी जिल्लाका सबै कार्यालयहरुमा पुगेर जिल्लाका सम्पुर्ण सरकारी र गैरसरकारी कार्यालयहरु समेत पूर्ण रुपमा बन्द गराएका छन् जसकाकारण जिल्ला पुर्ण रुपमा सुनसान छ ।

विहानैदेखि आन्दोलनकारीहरु चोक–चाकेका जम्मा भएर प्रदर्शन गरिरहेका छन् । अखण्ड रुकुम संयुक्त संघर्ष समितिले अगुवाई गरिरहेको आन्दोलन आज थप चर्काउने आन्दोलनकारीले बताएका छन् ।