काठमाडौँ, ३ साउन । राष्ट्रपति डा रामवरण यादवले मुस्लिम धर्मावलम्बीको महान् चाड इद ऊल फित्रको उपलक्ष्यमा स्वदेश तथा विदेशमा रहनुभएका मुस्लिम दाजुभाइ तथा दिदीबहिनीमा सुख, शान्ति र समृद्धिको कामना गर्नुभएको छ ।
राष्ट्रपति डा यादवले आज दिनुभएको शुभकामना सन्देशमा धार्मिक तथा सांस्कृतिक विविधतायुक्त हाम्रो देशमा मनाइने यस्ता विशेष पर्वले विभिन्न जातजाति, भाषाभाषी र समुदायबीच मेलमिलाप, सद्भाव र भाइचाराको प्रवद्र्धन गर्ने बताउनुभएको छ ।
ऐतिहासिक एवम् मौलिक संस्कृति र परम्पराको संरक्षण एवम् सम्बद्र्धन गर्न यस्ता चाडपर्वले योगदान पु¥याउने बताउँदै राष्ट्रपति डा यादवले भन्नुभएको छ – ‘‘यसले हामीलाई विविधताबीच एकताको भावना र प्रेरणा दुवै दिएको छ ।’’
रमदानको अवसरमा लामो उपवास बसेर आत्म शुद्धीकरण गर्ने र आफन्तबीच खुसी साटासाट गरी मनाइने यस पर्वले आपसी सद्भाव अभिवृद्धि गर्न अझ बढी योगदान पु¥याउने उल्लेख गर्दै उहाँले यस पर्वले सबैमा मेलमिलाप, एकता र शान्तिको प्रेरणा प्रदान गर्न सकोस् भन्ने शुभकामना पनि व्यक्त गर्नुभएको छ । रासस
प्रतिक्रिया