मुम्बई । पोर्न स्टारको छवी लिएर बलिउडमा पाइला टेकेकी अभिनेत्री सन्नी लियोन दिन प्रतिदिन अप्ठेरोमा फस्न थालेकी छिन ।
अश्लील भिडियो सार्वजनिक गरेको अरोपमा दिनहुँ प्रहरीलाई वयान दिइरहेको घटना होस् । घरवेटी घरबाट निकालेको होस् । बलिउड कलाकारले चर्काे आलोचना गरेको होस् अथवा फिल्मको व्यापार घटेको घटना त उनका लागि अप्ठेरो बाटो बनिसकेको छ ।
तर अब सन्नी लियोनीको फिल्मलाई समेत भारतमा प्रतिबन्ध लगाउने ठूलो निर्णय गरिएको छ । यो उनका दर्शकका लागि दुःखद खबर हो ।
सनी लियोनको फिल्म ‘मस्तीजादे’ लाई सेन्सर बोर्डले सेक्सले फिल्म भरिएको र यस्ले समाजमा नराम्रो सन्देश दिने भन्दै प्रदर्शन अनुमति (सर्टिफिकेट) दिन अस्वीकार गरेको हो । खबर अनुसार फिल्म अश्लीलताले भरिएकाले रिलीज गर्नको लायक मानिएको छैन् ।
सर्टिफिकेट नपाएपछि फिल्म निर्माताले सन्नी लियोनीले खेलेका दृश्यहरु हटाउने मनस्थितीमा पुगेको भारतीय सञ्चारमाध्यमले जनाएका छन् । पछिल्लो समय सन्नी लियोनीलाई भारतमा सबैले ‘हेला’ गर्ने गरेका छन् ।
केही समय अघि सन्नी लियोनीलाई भारतमा अश्लीलता फैलाएको भन्दै देश निकाला गर्न माग समेत गरिएको थियो । एजेन्सी
प्रतिक्रिया