– सन्दिप भट्ट
चितवन, १३ जेठ । नेपाली कांग्रेसका उपसभापति रामचन्द्र पौडेलले राष्ट्रिय सहमतिको सरकार नेपाली कांग्रेसको नेतृत्वमा बन्ने बताउनुभएको छ ।
देश विपत्तिमा परेको बेला मिलेर सामना गर्न राष्ट्रिय सरकारको विषय उठ्नु स्वभाविक भएको बताउँदै पौडेलले गम्भिरता पूर्वक यस विषयमा सर्वदलीय समितिको बैठकमा समेत कुरा नउठेको स्पष्ट पारे ।
‘सर्वदलिय समितिको बैठकमा सामान्य रुपमा मात्रै कुरा उठेको हो ।’ पौडेलले भने,‘राष्ट्रिय सरकारको विषयमा कुराहरु उठेपनि पहिले त संविधान निर्माणको विषय हाम्रो अगाडि छ । संविधान निर्माणको विषयमा सहमति गर्नु पहिलो आवश्यकता हो ।’
संविधान निर्माण र स्थानिय निकायको निर्वाचनको विषयमा सहमति भएर संविधान निर्माण गरेपछि मात्र सहमतिको सरकारको कुरा अगाडि आउने बताए ।
राहत वितरणको काममा सरकारी पक्षबाट भन्दा गैरसरकारी पक्षबाट गरेको कार्य प्रभावकारी भएको कुरा आएको छ नि ? भन्ने पत्रकारको जिज्ञासाको खण्डन गर्दै एउटा जिल्लामा वर्षिक रुपमा एउटा एनजिओ वा आइएनजिओबाट जाने रकम र ति संघ संस्थाहरुले गर्ने काम कार्वाही र एउटा गाविसबाट गरिने काम कावार्हहीलाई हेरेर मुल्याङ्कन गर्न आग्रह गरे ।
गाविसमा पुगेको बजेटले स्कुल, खानेपानी, बाटो, गाविस भवन निर्माण, लगायतका कुराहरुमा प्रयोगमा आउने भएपनि विभिन्न गैसरकारी संघ संस्थाहरुले गरेका काम कहींकतै सरकारी सेवाको तुलनामा आउन नसक्ने वताए ।
प्रतिक्रिया