– सुमन घिमिरे
उर्लाबारी, २८ वैशाख । मोरङको उर्लाबारीमा जारी चौथो मदन भण्डारी स्मृति गोल्डकप फुटबलको सोमबारको खेलमा काठमाडौंको चर्च व्वाईज क्लब विजयी हुँदै सेमिफाईनलमा प्रवेश गरेको छ ।
उर्लाबारीको मंगलबारेस्थित सालबारी सामुदायिक बन क्षेत्रको खेल मैदानमा भएको खेलमा भारत सिलगुडीको कञ्चनजंगा फुटबल क्लबलाई ५-० गोलको फराकिलो हराउँदै चर्च व्वाईजले अन्तिम चारमा आफ्नो स्थान सुरक्षित पारेको हो ।
सोमबारको खेलमा कञ्चनजंगामाथि चर्च व्वाईजले पुरै समय दबाबमा राखेको थियो । चर्च व्वाईजले खेलको पहिलो हाफमा दुई र दोश्रो हाफमा दुई गोल गरेको थियो । 
चर्च व्वाईजको जितमा सुमन लामाले दुई गोल गरे भने जाङवो शेर्पा, पासाङ लामा र जसबहादुर राईले १/१ गोल गरेका थिए । सोमबारको खेलमा दुई गोल गर्ने सुमन लामा नै म्यान अफ दि म्याच घोषित भए ।
प्रतियोगितामा मंगलबार आयोजक मदन भण्डारी स्मृति प्रतिष्ठान उर्लाबारी मोरङ र शसस्त्र प्रहरी बल पाथिभरा गण लखनपुर झापाबिच प्रतिस्पर्धा हुने आयोजकले जनाएको छ ।
प्रतिक्रिया