काठमाडौं, ९ वैशाख । राजधानी काठमाडौंको दशरथ रंगशालामा जारी एएफसी यू–१४ गल्र्स क्षेत्रीय फुटबल च्याम्पियनसिप अन्तर्गत बुधबारको खेलमा श्रीलंकाको पोष्टमा ८ गोल प्रहार गर्दै नेपाल सेमीफाइनलमा प्रवेश गरेको छ ।
त्रिपुरेश्वर स्थित दशरथ रंगशालामा बुधबारको खेलर्मा शानदार जित हात पार्दै ९ अंकका साथ नेपाल समूह ए को विजेताका रुपमा अन्तिम चारमा पुगेको हो ।
आजको खेलमा नेपाल रेखा रावलको गोलबाट सुरुवात अग्रता लिएको थियो । सुरुवाती अग्रतापछि पहिलो हापमा मनिषा राउतले २ गोल गरिन् । सरु लिम्बुले १ गोल गरेपछि पहिलो हाफमा नेपाल ४–० ले अग्रता लिएको थियो ।
दोस्रो हाफमा निशा थोकरले पहिलो गोल गरिन् । रेखा रावल र सरु लिम्बुले समान १/१ गोल गरे । खेलको अन्तिममा रन्जु खड्काले गोल गरेपछि नेपाल ८–० ले विजयी भएको हो । यसअघि नेपालले पहिलो खेलमा इरानलाई ३–२ ले हराएको थियो भने, दोस्रो खेलमा माल्दिभ्सलाई १० गोल हानेको थियो ।
यस्तै, आजै भएको अर्काे खेलमा इरानले भुटान १८–० गोल अन्तरले पराजित गरेको छ । जितसँगै ६ अंक जोडेको इरान समूह उपविजेताका रुपमा अन्तिम चारमा पुगेको छ ।
प्रतिक्रिया