चौतफी दबाबपछि पछाडि हट्यो एमाओवादी मोर्चा, बुधबार र बिहीबारको बन्द फिर्ता

काठमाडौँ, २४ चैत । एकीकृत नेकपा माओवादी नेतृत्वको ३० दलीय मोर्चाले बुधबार र बिहीबारको आमहड्ताल फिर्ता लिएको छ ।

मंगलबारको आमहड्तालको समिक्षा गर्न बसेको मोर्चाको बैठकले बुधबार र बिहीबारको आमहड्ताल फिर्ता लिने निर्णय गरेको हो । बैठकपछि एकीकृत नेकपा माओवादीका अध्यक्ष पुष्पकमल दाहाल प्रचण्डले उद्योगी व्यवसायी र जनसमुदायको आग्रह अनुसार आफूहरुले नयाँ ढंगबाट आन्दोलन गर्न आमहड्ताल फिर्ता लिएको बताउनुभयो ।

सरकारी दमनका बाबजुद पनि आफूहरुको पहिलो दिनको आमहड्ताल सफल भएको प्रचण्डको दाबी छ । उहाँले आगामी २७ गते बैठक बसेर नयाँ स्वरुपको आन्दोलनबारे निर्णय लिने बताउनुभयो ।