डिल्लीराजसहित एमाओवादीका सयौँ एमालेमा, वैद्यका जिल्ला अध्यक्ष पनि एमालेमै, को–को फर्किए

काठमाडौँ। अर्थविद डा. डिल्लीराज खनालले नेतृत्व गरेको राष्ट्रिय प्रगतिशील एकता मञ्चमा आबद्ध सयौँ नेता कार्यकर्ता शनिबार एमालेमा प्रवेश गरेका छन् । शनिबार एमाले मुख्यालय बल्खुमा विशेष समारोहका बीच नेकपा एमालेका अध्यक्ष केपी शर्मा ओलीले डा. खनालसहितका नेता-कार्यकर्तालाई एमालेमा प्रवेश गराउनुभएको हो ।

अनेरास्ववियूका पूर्व केन्द्रीय उपाध्यक्ष नवराज पौडेल, एमाओवादीका केन्द्रीय सल्लाहकार बलराम सुवेदी, एमाओवादीका पुराना कार्यकर्ता हरिहर लामिछाने, वातावरणविद् मुरली गोपाल रञ्जितकार र डा सुशील श्रेष्ठ पनि एमालेमा प्रवेश गर्नुभएको छ । यसैगरी, मोहन वैद्य नेतृत्वको नेकपा–माओवादी अर्घाखाँचीका जिल्ला अध्यक्ष बाबुराम घिमिरे पनि शनिबार एमाले प्रवेश गर्नुभएको छ ।