परासी, २९ फागुन । जिल्ला विकास समिति नवलपरासीको २३ औं जिल्ला परिषद्बाट कुल रु चार अर्ब ६९ करोड ३५ लाख ५५ हजारको वार्षिक प्रस्तावित बजेट सार्वजनिक गरिएको छ ।
परिषद्को उद्घाटन उपप्रधानमन्त्री एवम् सङ्घीय मामिला तथा स्थानीय विकासमन्त्री प्रकाशमान सिंहले गरेका थिए ।
जिल्ला परिषद्मा स्थानीय विकास अधिकारी लालकृष्ण शर्मा पौडेलले आगामी आर्थिक वर्ष २०७२÷०७३ का लागि सो बजेट सार्वजनिक गरेका थिए ।
प्रस्तुत बजेटमा चालुतर्फ रु ८७ करोड ४४ लाख ६७ हजार र पूँजिगततर्फ रु तीन अर्ब ८१ करोड ९९ लाख ८० हजार रहेको छ । बजेटमा विकास निर्माणका योजनालाई प्राथमिकतामा राखिएको छ ।
बजेटमा इलाकास्तरीय गोष्ठीबाट आएका योजनाहरुलाई उच्च प्रथामिकतामा राखेर बजेट विनियोजन गरिएको उल्लेख छ ।
प्रतिक्रिया