काठमाडौं, ३ फागुन । युवतीहरूलाई विभिन्न बहानामा फसाएर लाखौं रुपैयाँ ठगी गर्ने एकजना पक्राउ परेका छन् ।
झापा धरमपुर घर भएका वीरबल तामाङले युवतीहरूसँग प्रेम सम्बन्ध हुँदै विवाहसमेत गर्ने भन्दै ठग्ने गरेका थिए ।
केन्द्रीय अनुसन्धान ब्युरो सीआईबीका अनुसार यिनले आफूलाई बेलायती र हङकङको लाहुरे भएको बताउँदै नजिक हुने गरेका थिए ।
त्यही बीचमा आफूलाई कुनै कामले पैसा चाहिएको भन्दै रकम निकाल्ने गरेको समाचार कान्तिपुर दैनिकले छापेको छ ।
ती युवतीहरूको एटीएम कार्डसमेत लगेर चलाउने गरेको प्रहरीले जनायो ।
ब्युरोका अनुसार यिनले फरक युवतीलाई आफ्नो परिचय दिने गरेका थिए ।
प्रतिक्रिया