काठमाडौं, ६ पुस । तपाईँको मोबाइलमा ६००१ नम्बरबाट एसएमएस आएको छ, आएको भए राम्रोसँग पढेर मात्र डिलिट गर्नुहोला।
किनकि, परराष्ट्र मन्त्रालयअन्तर्गत रहदानी विभागले तपाईँलाई जरूरी सूचना पठाएको हुनसक्छ ।
राहदानी विभागले यसैसातादेखि राहदानीका लागि बुझाएको फारम बिग्रिए सम्बन्धित ब्यक्तिलाई एसएमएसमार्फत जानकारी गराउन थालेको छ।
बिग्रिएको फारम सच्याउन आउँदा सहज होस भनेर विभागले एसएमएसमा फारम भर्दा के समस्या भएको छ त्यो पनि खुलाउने गर्छ।
राहदानी सेवालाई अझ बढी उत्तरदायी बनाउन सेवाग्राहीलाई यस्तो सुविधा उपलब्ध गराउन थालेको विभागले जनाएको समाचार आजको नागरिक दैनिकले छापेको छ।
प्रतिक्रिया