एमाले स्थायी समिति र पोलिटब्युरो छान्दै बल्खुमा, खनाल बैंककतिर

काठमाडौँ, २६ मंसिर । नेकपा एमालेका बरिष्ठ नेता एवं पूर्व प्रधानमन्त्री झलनाथ खनाल बुद्धिष्टहरुको अन्तराष्ट्रिय सम्मेलनमा सहभागी हुन बैंकक प्रस्थान गर्नु भएको छ ।

उहाँ त्रिभुवन अन्तराष्ट्रिय विमानस्थलबाट नेपाल एयरलाइन्सको जहाजबाट शुक्रबार दिउँसो त्यता प्रस्थान गर्नु भएको खनालका  स्वकीय कृष्ण भट्टराईले दैनिक नेपाललाई जानकारी दिनुभयो ।

खनाल सम्मेलनको प्रमुख अथितिका रुपमा सहभागी  हुँदैहुनुहुन्छ । सम्मेलनमा नेपाल, जापान, थाइल्याण्ड, मंगोलियालगायतका मुलुकबाट सहभागी हुने बुझिएको छ । खनाल आउँदो आइतबार स्वेदेश फर्किने कार्यक्रम छ ।

उहाँ स्थायी समिति र पोलिटब्युरोलाई पूर्णता दिनेलगायतको तयारीका लागि बसिरहेको एमालेको  केन्द्रीय कमिटिको महत्वपूर्ण बैठकलाई छाडेर त्यतातिर लाग्नु भएको हो ।