रोजगारीका लागि मलेसिया पुगेका राईको कारको ठक्करबाट मृत्यु

काठमाडौँ, १ मंसिर ।  मलेसियामा कारको ठक्करबाट घाईते भएका एक नेपाली कामदारको मृत्यु भएको छ ।

खोटाङ पौवासेरा–७ का बिकल भनिने बियोग वान्तवा राईलाई  होस्टल फर्कने  क्रममा कारले ठक्कर दिएको थियो ।

साईकलमा रहेका उनलाई  कारले गत हप्ता ठक्कर दिदाँ उनी गम्भीर घाईते भएका थिए ।

राईको केलाङ्ग अस्पतालमा उपचारको क्रममा शनिबार ज्यान गएको हो ।
८ महिनाअघि काठमाडौको गौरीशंकर मेनपावरवाट मलेसिया पुगेका राई क्वालालम्पुर नजिकै रहेको भेचिउड ईन्टरप्राईजेज केलाङ्ग कम्पनीमा कार्यरत थिए ।

पोष्टमार्टमको लागि केलाङ्ग अस्पतालमा राखिएको राईको शव तत्काल नेपाल पठाउन पहल भइरहेको बुझिएको छ ।  राईकी आमा, श्रीमती र दुई छोरा छन् ।