हुम्ला, १९ असोज । हुम्ला जिल्लामा दसैँका लागि विभिन्न नाकाबाट च्याङ्ग्रा नआउँदा हुम्लावासीले यसपालि राम्रोसँग दसैँ मनाउन पाएनन् ।
जिल्लामा खसी र च्याङ्ग्राको अभाव भएपछि हुम्लेलीहरू नेपालगन्जबाट कुखुराको मासु किन्न बाध्य भएका छन् ।
जिल्लामा यसपटक दसैँमा खाद्यान्नको भने त्यति अभाव नभएको सर्वसाधारण बताउँछन् ।
प्रमुख जिल्ला अधिकारीको रोहवरमा जिल्ला सदरमुकाम सिमीकोटस्थित खाद्य डिपोबाट आजसम्म पनि सर्वसाधारणलाई चामल वितरण भइरहेको छ ।
सदरमुकाम नजिकका जनतालाई पाँच किलो र टाढाकालाई १० किलोका दरले चामल वितरण गरिएको बताइएको छ । जिल्ला बाहिरका कर्मचारीहरू दसैँलाई घर गएपछि सदरमुकाम सिमिकोट अहिले सुनसान जस्तो देखिन्छ ।
प्रतिक्रिया