काठमाडौँ, १० असोज। शुक्रबारबाट शुरु रोजगार अनुमति प्रणाली (ईपीएस) मार्फत दक्षिण कोरिया जान लिइने भाषा परीक्षाका लागि २२ वटा केन्द्र तोकिएको छ ।
दुई दिन चल्ने उक्त परिक्षाका लागि काठमाडौमा १५ र ललितपुरमा सातवटा केन्द्र तोकिएको हो ।
भाषा परीक्षाको अनुगमनका लागि दक्षिण कोरियाको मानव संशाधन विकास (एचआरडी)का उपाध्यक्ष चुन बोक लिनको नेतृत्वमा ६२ सदस्यीय टोली नेपाल आइसकेको छ ।
आगामी असोज २९ गते सार्वजनिक गरिने उक्त परिक्षाको उत्तरपुस्तिका जाँच गर्ने जिम्मा कोरिया आफैले लिएको छ । कम्प्युटर प्रणालीबाट उत्तरपुस्तिका परीक्षण हुनेछ ।
ईपीएस कोरिया शाखाका प्रमुख डिल्लीराम बास्तोलाले भाषा परीक्षालाई मर्यादित र ब्यवस्थित बनाउन सम्पूर्ण तयारी पूरा भइसकेको जानकारी दिनुभयो ।
उहाँका अनुसार परीक्षामा श्रम तथा रोजगार मन्त्रालयका ८८ जनासहित करिब एक हजार आठ सय जना कर्मचारी परिचालित हुने भएका छन् ।
प्रतिक्रिया