नवलपरासी, भदौ ३१ । नेकपा एमाले निकट नेपाल बुद्धिजीवी परिषद्ले संविधानसभा बाहिरबाट नयाँ संविधान जारी नगर्न दलहरुलाई आग्रह गरेको छ ।
परिषदको पाँचौ पुर्ण बैठकपछि नवलपरासीको गैँडाकोटमा आयोजित पत्रकार सम्मेलनमा उनीहरुले यस्ता आग्रह गरेका हुन् ।
परिषद्का अध्यक्ष डा. दिनेशचन्द्र देवकोटाले लहडका भरमा स्थापित विधिलाई लत्याएर संविधानसभा बाहिरबाट संविधान जारी गर्न खोजिए मुलुकले ठुलो मुल्य चुकाउनुपर्ने बताउनुभयो ।
बिगतमा नेताहरुले आफुखुशी संविधानसभा बाहिर संविधानसभाका अन्तरबस्तुमा सहमति जुटाउन गरेको प्रयास असफल भएको उदारहण दिदै डा. देवकोटाले यसपटक त्यस्तो कार्य नदोहोर्याउन आग्रह गर्नुभयो ।
बैठक भदौ २७ र २८ गते गरी दुई दिनसम्म चलेको परिषदको केन्दीय कार्यसमितीको बैठकले समयमै चनाखो नभए मुलुक ठुलो दुर्घटनामा पर्न सक्ने भन्दै संविधान निर्माणका लागि बौद्धिक बहस र अभियान सञ्चालन गर्ने निर्णय गरेको छ ।
बैठकले पार्टीको नवौँ महाधिवेशनको मर्म र कार्यकर्ताको भावना अनुसार एकताबद्ध हुन शीर्ष नेताहरुको ध्यानाकर्षण समेत गराएको छ ।
प्रतिक्रिया