काठमाडौं, १६ भदौ । विश्वका कुरा छाडौँ । नेपालकै सन्र्दभको कुरा गर्ने हो भने अहिले अघिकाशं नेपालीको पारिवारिक ठाकठुकको पहिलो कारण सामाजिक सञ्जाल फेसबुक नै हुने गरेको छ ।
सामाजिक सञ्जाल फेसबुक विश्वभर दिन प्रतिदिन यति धेरै लोकप्रिय बन्दै गएको छ की श्रीमानका लागि श्रीमति र श्रीमतिका लागि श्रीमान भन्दा पनि फेसबुक प्यारो बन्न थालेको छ ।
फेसबुकका सकारात्मक पक्ष पनि उत्तिक्कै छन् । वर्षौंदेखि बिछोडिएका परिवारको पुनर्मिलन गराउनेदेखि विश्बका जुनसुकै कुनामा रहेका आफन्तसँग घण्टौ गफगर्न पनि यो गतिलो माध्ययम बनेको छ ।
पछिल्लो अनुमान अनुसार विश्वभरी करिब एक अर्ब भन्दा बढी मानिसले दैनिक फेसबुक चलाउँछन् । नेपालमा मात्र फेसबुक प्रयोगकर्ताको संख्या झण्डै २५ लाख छ ।
यस्तो अचम्मको चीजका बारेमा निक्कै रोचक जानकारीहरु पनि प्राप्त हुने गरेका छन् ।
पछिल्लो जानकारी अनुसार फेसबुकका जन्मदाता मार्क जुकरबर्ग आफैंचाहिं फेसबुक चलाउँदैनन् ।
अरुलाई पागल बनाउने फेसबुक संस्थापक आफैं किन फेसबुकबाट टाढा छन् ? यो अनोठो विषय बन्न गएको छ । संसारभर आफ्नो सन्देश पठाउन फेसबुकको प्रयोग हुन्छ ।
तर उनी आफ्ना पारिवारिक सदस्यलाई केही भन्नुपर्दा फेसबुकबाट होइन, जुकनेट म्यासेन्जर प्रोग्राम चलाउछन् ।
उनले वासिङ्टन पेष्टलाई केही समयअघि दिएको अन्तवार्तामा छटो खबर पुग्ने भएकाले सो म्यासेन्जर प्रयोग गर्ने गरेको बताएका थिए ।
अन्तवार्तामा उनले आफ्नो फेसबुक एकाण्ट भए पनि म्यासेज र भिडियो कुराकानीका लागि कहिल्यै प्रयोग नगर्ने गरेको बताएका छन् ।
प्रतिक्रिया