भट्टराई पक्षधर प्रचण्डसँग कढा रुपमा प्रस्तुत हुने

काठमाडौँ, साउन २० । एमाओवादी स्थायी समितिको सोमबार साँझ बसेको बैठकले गरेको कारबाहीलाई बाबुराम भट्टराई पक्षले ‘निरर्थक’भनेको छ ।

उक्त पक्षले पार्टीभित्र आफ्नो वैचारिक अभियान जारी राख्ने भन्दै‘यस्तो कारवाहीले रौं पनि नहल्लिने प्रततिक्रिया दिएको छ ।

पार्टी अध्यक्ष प्रचण्ड पक्षले आफैं कमिटीमा राखेको र आफैं निकाले भन्दै त्यस्ता पाराले पार्टी नचल्ने सममेत ठोकुवा गरेको  छ ।

एमाओवादी स्याथी समितिको बैठकले समानान्तर कमिटी बनाएको भन्दै केन्द्रीय सदसय रामरिझन यादव र गंगानारायण श्रेष्ठलाई क्रमशः एक महिना र तीन महिना निलम्बनको कारवाही गरेपछि एमाओवादीको आन्तरिक विवाद चुलिएको छ ।

तीनवटा बैठकमा अनुपस्थित भएमा कमिटीबाट स्वतः हट्ने विधानमा प्रावधान रहेको भन्दै स्थायी कमिटी बैठकले डा। भट्टराईलाई बैठकमा आउन सचेत गराएको छ ।
त्यसैगरी बैठकमा नआए सचिव टोपबहादुर रायमाझी र स्थायी कमिटी सदस्य देवेन्द्र पौडेल पनि पदबाट हट्ने बताइएको छ ।