नुवाकोट । नुवाकोटको उर्लेनी– २ का १६ र १७ वर्षका किशोरीलाई भारत बम्बई पुर्याएर बेचेको आरोपमा जिल्ला अदालत नुवाकोटले दुई जनालाई २० वर्ष जेल र दुई लाख जरिवाना तोकेको छ।
उर्लेनी– २ का रामबहादुर तामाङले २०६९ जेठ २२ गते प्रहरीमा दिएको उजुरीका आधारमा रालुका– १ का राहुल भन्ने कान्छा तामाङ र रालुका– ९ का सम्पूर्ण भनिने समिर थिङलाई अदालतले सजाय तोकेको हो।
पक्राउ परेको लामो समयपछि न्यायाधीश किरणप्रसाद शिवाकोटीको एकल इजलाशले पीडितलाई १ लाख रुपयाँ क्षतिपुर्ति र चेलिबेटी बेचबिखनका दलाललाई जनही २० वर्ष कैद सजाय तोकेको जनाएको छ। नागरिक दैनिकाबट
प्रतिक्रिया