आइतबार, ४ कार्तिक २०७५
DainikNepal.com
आइतबार, ४ कार्तिक २०७५

एमाले र माओवादीको पार्टी एकता खाका सार्वजनिक, यसरी भयो भागबण्डा

दैनिक नेपाल २०७५ जेठ २ गते २०:१०

काठमाडौँ, २ जेठ । नेकपा एमाले र माओवादीबीच पार्टी एकताको खाका तय भएको छ ।

एमाले अध्यक्ष केपी शर्मा ओली र माओवादी केन्द्रका अध्यक्ष प्रचण्डबीच ४ सय ४१ सदस्यीय केन्द्रीय कमिटी बनाउने सहमति भएको स्रोतले बतायो । जसअनुसार, एमालेबाट २ सय ४१ जना र माओवादीबाट २ सय जना केन्द्रीय सदस्य बन्ने भएका छन् । अनुपात हेर्दा माओवादी माओवादीको भन्दा एमालेको जम्मा ४१ जना बढी हुनेछन् ।

यसैगरी, चुनाव चिन्ह एमालेले प्रयोग गर्दै आएको सूर्य नै हुने भएको छ भने पार्टीको नाम नेपाल कम्युनिष्ट पार्टी राखिने भएको छ ।

प्रचण्डसँग बुधबार बिहान भएको छलफलका बारेमा प्रधानमन्त्री एवं एमाले अध्यक्ष ओलीले पार्टीका शीर्ष नेताहरुलाई जानकारी गराएका थिए । दुई पार्टीका दोस्रो तहका नेताहरुले यो सहमतिको खाका तयार गरेका हुन् । पार्टी एकता संयोजन समितिको बिहीबारको बैठकले यो खाकालाई अन्तिम टुंगो लगाउने बताइएको छ ।

यस्तो छ प्रस्तावित खाकाः

केन्द्रीय कमिटी ४४१ सदस्यीय (एमाले २४१, माओवादी २००)
स्थायी कमिटी ४३ सदस्यीय (एमाले २५, माओवादी १८)
चुनाव चिन्ह सूर्य
पार्टीको नाम नेपाल कम्युनिस्ट पार्टी

प्रतिक्रिया
सम्बन्धित