शुक्रबार, ७ वैशाख २०७५
DainikNepal.com
शुक्रबार, ७ वैशाख २०७५

विद्युत् चोरीको आरोपमा छ जना पक्राउ

दैनिक नेपाल २०७४ पुष २८ गते १८:२५

तुलसीपुर (दाङ), २८ पुस । दाङमा विद्युत् चोरीको आरोपमा ६ जनालाई पक्राउ गरिएको छ ।

नेपाल विद्युत् प्राधिकरण तुलसीपुरका प्रमुख दीपक चौधरीले हुकमार्फत मुख्य तारबाट बिजुली चोरेर घरमा बालेको आरोपमा दंङ्गिशरण गाउँपालिका–२ बस्ने ६० वर्षीय काभोलबहादुर विक, ४८ वर्षीय कुलबहादुर नेपाली, २७ वर्षीय सूर्यबहादुर चौधरी, १६ वर्षीय सुरज विक र ६३ वर्षीय पिमलाल नेपाली तथा बबई गाउँपालिका–७ बस्ने ३० वर्षीय प्रकाश नेपालीलाई पक्राउ गरिएको जानकारी दिए ।

उनीहरुलाई इलाका प्रहरी कार्यालय तुलसीपुरको सहयोगमा गए राति घरबाट पक्राउ गरिएको र हाल इलाका प्रहरी कार्यालय तुलसीपुरको नियन्त्रणमा राखिएको बताइएको छ । –रासस

प्रतिक्रिया
सम्बन्धित