सोमबार, १२ असार २०७४
DainikNepal.com
सोमबार, १२ असार २०७४

रसियाली प्रतिपक्षी नेता नाभाल्नीमाथि आक्रमण

दैनिक नेपाल २०७३ चैत ८ गते ८:०७

मस्को (रसिया), ८ चैत । रसियाका प्रतिपक्षी नेता अलेक्सै नाभाल्नीलाई साइबेरियाली सहर बरनाउलमा ‘औषधिजन्य हरियो पदार्थ’ को प्रयोग गरी आक्रमण गरिएको छ ।

नाभाल्नीले आफूमाथि अज्ञात व्यक्तिले सोमबार आक्रमण गरेको एक ट्वीट सन्देशमार्फत् जनाउनुभएको छ ।

उहाँले भन्नुभयो, “मैले बर्नाउलमा ‘द मास्क’ चलचित्रमा जस्तै हरियो अनुहारसहित आफ्नो दलको मुख्यालय खोल्न लागेको जानकारी गराउँद छु । हलिउडको सुपरहिरोले जस्तै हरियो मास्क (आक्रमणका कारण बनेको हरियो अनुहारलाई चित्रण गर्दै) लगाएर कार्यक्रममा सहभागी हुनेछ ।”

हरियो औषधिजन्य पदार्थ, जसलाई खासगरी रसियामा ‘एन्टी सेफ्टिक’का रुपमा प्रयोग गरिन्छ, नाभाल्नीको अनुहारमा छर्किएको र आक्रमण गरिएको थियो । नाभाल्नीले आफूमाथि आक्रमण हुँदा एक साथीसँग हात मिलाउँदै हुनुहुन्थ्यो ।

नाभाल्नीले सन् २०१८ मा हुने रसियाली राष्ट्रपतीय निर्वाचनमा प्रतिस्पर्धा गर्न देश दौडाहामा रहनुभएको छ । नाभाल्नीका समर्थकले आक्रमण राजनीतिक प्रतिशोध स्वरुप गरिएको भनी विरोध जनाएका छन् । – एपी

प्रतिक्रिया
सम्बन्धित